- આમ તો ગયું વિકેન્ડ ખરા અર્થમાં વિકેન્ડ બની રહ્યું ( શનિ, રવિ અને સોમ રજા માણી). શનિવારે કામ કરતા (મારા જેવા) જીવો માટે સંપૂર્ણ વિકેન્ડ એ એક જાહોજલાલી હોય છે(એમાંય ખાસ તો બપોરની ઊંઘ).

- ગયા રવિવારે “ચીકન ૬૫” ફરીથી (આ પહેલા પણ એક વખત બનાવેલ) બનાવવામાં આવી અને લાગે છે કે એ બનાવવામાં કુશળતા આવી ગઈ છે. હવે ચાઇનીઝ ક્યુઝીન પર વધુ હાથ અજમાવવાની ઈચ્છા છે.

- શનિવારે માઝ્ને ફરીથી રસી(ઓ) અપાવવામાં આવી, રસીનો ભાવ ઘટી ગયો હોય તેમ લાગ્યું (ગઈ વખત કરતા અર્ધા રૂપિયા થયા, એની એ જ રસી આપવામાં આવી તો પણ ), આ રસી ના ભાવ ક્યારે વધે અને ક્યારે ઘટે એ સમજવું ખરેખર મારી સમઝણ બહાર છે.

- આ વખતે “J. Edgar” અને “THREE MUSKETEERS” મુવી જોવામાં આવ્યા. બંને મુવી સરસ, “J. Edgar” માં Leonardo DiCaprio  નો અત્યંત અદભૂત અભિનય.

- શિયાળાની અસર ધીમે ધીમે ઓછી થઇ રહી હોય તેમ જણાય છે.

- લાગે છે સવારે અને સાંજે જ શિયાળો હોય છે બાકી આખો દિવસ કૈક ખાસ ઠંડી જણાતી નથી.

- થોડા દિવસ માં વડોદરાની મુલાકાત લેવામાં આવશે.

- ગઈકાલે ગુગલ તરફથી ચેક આવી ગયો અને એક મહેચ્છા પૂરી થઇ.

- ગયા રવિવારે (ઈદે મિલાદ) નિમિત્તે મમ્મી -પપ્પા ની મુલાકાત થી રવિવાર સુધરી ગયો. યાસ્મીન અને માઝને પણ ખુબ ગમ્યું.

- રાજકોટ માં વાસમારતું અમુલ દૂધ (ટી સ્પેશ્યલ) વેચવામાં આવ્યું એવા સમાચાર વાંચી જે લોકો ની સવારની ચા બગડી એમના પર અત્યંત દયા ( કે અફસોસ) ઉપજી. આટલી મોટી કંપની, આધુનિક યંત્રો, વિશાળ ફેક્ટરી પણ વાસ મારતું દૂધ વેચવા મોકલી શકે એ જાણી ને ખુબ જ અચરજ (સાથે અફસોસ) થયું.

- લાગે છે ઉનાળાની શરૂવાત હવે થવામાં છે. ઠંડીનું પ્રમાણ આશ્ચર્યજનક રીતે ઘટી ગયું છે.

- pintrest.com ની મુલાકાત લેવા માં આવી જો આપને પણ આપના રસના ચિત્રો, વિડીયો અને વિવિધ સામગ્રી બીજા જોડે વહેચવી હોય અને બીજા લોકો એ વહેચેલી સામગ્રી જોવી હોય તો આ સાઈટ ની મુલાકાત લેવી (જો કે જોડવા માટે આમંત્રણ જરૂરી છે તમારે જોયતું હોય તો મને આપનું ઈ-મેલ આઈડી મેસેજ કરી શકો છો.). મારા રસના વિષયો જોવા માટે  ક્લિક કરો www.pinterest.com/hamzaghanchi

- “The Rum Diary” મુવી એકંદરે સરસ. માત્ર અને માત્ર johnny depp નો અભિનય જોવા માટે જોવામાં આવ્યું. સરસ વાર્તા. મુવી જોયા બાદ એમ લાગે છે કે હવે Hunter S. Thompson  ના પુસ્તકો વાંચવા પડશે.

-” The Twilight Saga: Breaking Dawn - Part 1 ”  પણ સરસ રહ્યું. અંતે બેલા વેમ્પાયર બની જ ગઈ તે અદ્ભુત લાગ્યું. હવે પાર્ટ ૨ ની ઇન્તેજારી (આમ પાર્ટ ૪) .

- ગયા અઠવાડિયે સાધુ દ્વારા થયેલી હત્યા(ઓ)  અને પછી આત્મા હત્યાના સમાચાર ખરેખર કમકમાટી જનક હતા. નશો માણસને કેટલી હદે પાગલ બનાવી શકે છે તેનું ખતરનાક ઉદાહરણ જોવા મળ્યું. આ ઉપરાંત, આત્માહત્યા ના બનાવો ના સમાચાર પણ ખરેખર દુખદ હતા, કેમ એક પરિવાર માત્ર થોડી મુશ્કિલોનો  સાથે મળીને સામનો કરવાને બદલે ઈશ્વરને શરણે (તે પણ સહ કુટુંબ) થઇ જાય છે તે ખરેખર કાયરતા પૂર્ણ કૃત્ય છે.

- ગયા રવિવારે ઘાંચી સમાજના ચોખરા (સમૂહ લગ્ન) પ્રસંગે વ્યસ્ત રહેવાયું. એકદમ સરસ આયોજન કરવામાં આવ્યું હતું. ઘાંચી સમાજની નવી વેબસાઈટ પણ લોન્ચ કરવામાં આવી (જે મારા ખાસ મિત્ર અશફાક ઘાંચી દ્વારા નિર્મિત છે. ) .

- આ વખતે ઉતરાયણ ની ઉજવણી મિત્રો (અશફાક, સોહેલ) તેમજ પરિજનો સાથે કરવાની ખુબ મઝા આવી. ઊંધિયાનો સ્વાદ દાઢમાં રહી ગયો.

- જો કોઈને અમદાવાદમાં સ્વીમીંગ ક્યાં શીખી શકાય તે વિષે કોઈ માહિતી હોય તો જણાવવા વિનંતી(૨૦૧૨માં પુર કે જળ-પ્રલય જેવું કંઇક આવે તો તરતા તો આવડે એ માટે પૂર્વ તૈયારી કરવી છે.).

- ઉતરાયણ ના કેટલાક ચિત્રો:

- આ બ્લોગ ભૂલ થી વર્ડપ્રેસ દ્વારા નિષ્ક્રિય કરવામાં આવ્યો હતો. પરંતુ વર્ડપ્રેસ ને ભૂલ સમજતા ફરીથી પુનઃસક્રિય કરી દીધો (જો કે મેં આપેલી એક નાનકડી સુચના બાદ).

- નવું ઈન્ટરનેટ કનેક્શન લેવા માં આવ્યું ૪ એમબીપીએસ નું . જોઈએ હવે તેમાં ડાઉનલોડ સ્પીડ કેટલી આવે છે.

- આ મહિના માં ઉતરાયણની એક રજા જ મળશે એ પણ શનિવારે (૧૫ જાન્યુઆરીએ રવિવાર ) . વર્ષ ની શરૂઆત માં જ  એક રજા નો વ્યય.

- ઠંડી નું પ્રમાણ ભયંકર છે અને સવારે કસરત કરવાનું આવતા મહિના પર મુલતવી રાખવામાં આવ્યું છે[ શિયાળાની સવાર તેમ જ આળસ ને કારણે ! ].

- ૩૧ ડીસેમ્બરે ઓફીસ તરફથી ઘણી activity  games આયોજિત હતી. જેમાં મેં એક પેન્સિલ પોટ્રેટ બનાવ્યું.

- આ ઉપરાંત ગુજરાત કોલેજના મેદાન માં બેડમિન્ટન, ક્રિકેટ જેવી રમતોની મજા માણી.

- નવા વર્ષ ની શરૂઆત ઘરે મુવી જોતા જોતા કરી (મારી પ્રિય  સેટર ડે નાઈટ) રોબર્ટ ડી નીરો નું “The Dear  hunter ”. અદ્ભુત મુવી .

-નવા વરસની પ્રતિજ્ઞા અનુસાર કસરત  જલ્દી થી શરુ કરવામાં આવશે.

* આર્થિક સફળતાના રહસ્યો ક્યારેય છતાં ન કરવાં! (આ વાત નવા વર્ષ થી સીરીયસલી અમલમાં મુકવામાં આવશે.)

* બને ત્યાં સુધી વાદ-વિવાદ થી દુર રહેવું. (આ જરા કપરું કામ છે.)

* મોરલો કળા કરી જાય એ પહેલા મોરલાના આગમન ની તૈયારી રાખવી .

* પારકી પંચાતમાં બિલકુલ ના પડવું.

* કેટલીક ચરબી (અંદાજે ૫ કિલો) ઘટાડવી.

* ફરવા લાયક કેટલાક સ્થળોની મુલાકાત લેવી (મિત્રો અને પરિજનો સાથે) .

* કેટલાક આધુનિક યંત્રો વસાવવા (મોટાભાગે મોજ-શોખના)

તા .ક . : આ લીસ્ટ નો બીજો ભાગ આવી શકે છે.

- ગયા વિકેન્ડ માં ઘણા મુવી જોવાઈ ગયા જેમાં “cowboys vs aliens” સરસ લાગ્યું.

- માઝ માટે સ્વેટર , હાથ મોજા, પગ મોજાં, ટોપી અને ગરમ પાટલુન તૈયાર કરવામાં આવી.

- યાસુ માટે પણ સ્વેટર અને ગરમ મોજાં કાઢવામાં આવ્યા.

- મારી માટે પણ આજે જ તિબેટીયન માર્કેટ ની મુલાકાત (૧૨.૩૦ કલાકે ) લઇ જાતે જેકેટ ખરીદવામાં આવ્યું. એકંદરે સરસ “લુક લાઈક લેધર” બ્રાઉન જેકેટ(લેધર નો ભાવ અધધધ હતો).

આખરે, આજે સવારે  નાના પાયે કસરત શરુ કરવામાં આવી. થોડા દિવસ પહેલા “પાંચ (૨૦૦૩) ” મુવી જોયું , એકંદરે સરસ મુવી જોકે અંત જરાક અટપટો લાગ્યો.

હાલમાં (અને જ્યાર થી બી.આર.ટી.એસ. નું આયોજન થયું ત્યારથી) અમદાવાદ માં બી.આર. ટી.એસ  ના કારણે મોટા રસ્તાઓ ને સાંકળા કરવામાં આવી રહ્યા છે જે અત્યંત ચિંતાજનક છે. મારા મત મુજબ સામાન્ય વાહનવ્યવહાર આ બી.આર.ટી.એસ ના કારણે ઘણો અવરોધાય છે . અમદાવાદ માં બી.આર. ટી.એસ ની કોઈ જરૂર લગતી નથી(મારા મત મુજબ) કેમ કે એ.એમ.ટી.એસ ની સુવિધા ઉપલબ્ધ જ છે સમગ્ર શહેરમાં. તો પણ જો બી.આર.ટી.એસ. ની સેવા આપવી જ હોય તો  હાલના રસ્તાઓ ને દબાણ હટાવી વધુ પહોળા કર્યા બાદ બી.આર.ટી.એસ. ટ્રેક નું આયોજન કરવું જોઈએ.